Өмнөговь аймгийн Ханбогд сумын Хайрхан багт дээр бүх нийтийг хамруулсан эрүүл мэндийг үзлэг хийж байна.
Монгол Улсын Засгийн газрын шийдвэрээр ЭМЯ, ЗТХЯ хамтран, Өмнөговь аймгийн Ханбогд сумын Хайрхан багийн Цагаан хад суурьшлын бүсэд амьдарч буй иргэд, Гашуун сухайтын авто замаар нүүрс тээвэрлэж байгаа жолооч нарт эрүүл мэндийн тусламж үйлчилгээг үзүүлж байгаа юм. Уг ажлыг энэ сарын 16-аас эхлэн 7 хоногийн хугацаатай зохион байгуулахаар төлөвлөсөн байна. Энэхүү үзлэгээр зүрх судас, бөөр, элэг, мэс засал, мэдрэл, нүд, чих хамар хоолой, шүд, эрүү нүүрний мэс засал, халдварт өвчин судлал, сүрьеэ, шүд эрүү нүүр, мэдрэл, эмэгтэйчүүд, хүүхэд, сэтгэл засал, гэмтэл, ДОХ, БЗДХ зэрэг үзлэг шинжилгээ хийх юм. Мөн зүрхний цахилгаан бичлэг, рентген оношилгоо, ЭХО оношилгоо, хараа шалгах багажийн оношилгоо хийнэ. Мөн цусны ерөнхий шинжилгээ, шээсний ерөнхий шинжилгээ, биохимийн шинжилгээ буюу элэг, цөс, сахар, хелекобактер, өөх тос, элэгний хавдрын маркер, зүрх, үе мөчний үрэвслийн идэвхжил, бөөрний үйл ажиллагаа, элэгний В, С вирусын илрүүлэг, ДОХ, тэмбүүгийн илрүүлэг, наацын зэрэг шинжилгээг газар дээр нь хийх аж.
Дээрх оношолгоо шинжилгээг хийхээр Улаанбаатар хотоос 46 хүний бүрэлдэхүүнтэй баг ирж Ханбогд сумын Эрүүл мэндийн төвийнхөнтэй хамтран ажиллаж байна.