ӨВӨРХАНГАЙН ЦАГААН ИДЭЭНИЙ ҮЗЭСГЭЛЭН ХУДАЛДАА АСА ЦИРКИЙН ГАДНА ТАЛБАЙД БОЛЖ БАЙНА.
Энд аарц, ааруулыг нэг кг-ыг нь 14,000-15,000 төгрөгөөр зарж байна. Хэлбэр, хээнээсээ хамаараад үнэ нь өөр өөр байлаа. Харин сүүн ааруул 25,000, өрөм жижиг нь 2,500, дунд нь 7,000 төгрөг, томыг нь 15,000 төгрөгөөр худалдаалж байна. Сүүлийн үед айл өрхүүд тавгийн идээгээ бүхэлд нь цагаан идээгээр засах болсон. Иж бүрэн тавгийн идээний үнэ 180 мянган төгрөгөөс эхлэн хэмжээнээсээ хамаарч, 280 хүртэлх мянган төгрөгөөр худалдаалж байна. Худалдан авагчид хөдөөнөөс ирсэн, ямар нэгэн хольцгүй, амт сайтай, үнэ боломжийн байгааг хэлж байлаа.
Харин “Архангайн цагааан идээний үзэсгэлэн худалдаа” Ялалтын талбайд болж байна:. Цагаан сарын баярт илүүтэй хэрэглэгддэг ааруул, өрөм голдуу худалдаалж харин ээзгий, аарц, сүү цөөн харагдлаа.
Үнийн хувьд:
- Аарцны ааруул нэг кг нь 14-16 мянга, сүүн ааруул 22-25 мянган төгрөг
- Шар тос нэг кг нь 15,000
- Зөөхий 13,000
- Сарлагийн хөлдүү сүү кг нь 3,500
- Өрөм: том-15,000, дунд-7,500-8,500, жижиг-2,500-3,500 төгрөг
- Ээзгий 10,000
- Аарц 3,500
- Тавгийн идээний иж бүрдэл 180-280 мянган төгрөгөөр тус тус борлуулж байна.
Б.Цэндсайхан