Беларусиас хил даван орохыг завдсан цагаачдын эсрэг Польшийн цэргүүд нулимс асгаруулагч хий ашиглаж, даралттай ус шүршжээ. Цагаачид ч чулуу болон гартаа таарсан эд зүйлсийг шидэж хариу үйлдэл үзүүлсэн байна.
Ойрхи Дорнод болон Азийн орнуудаас ирсэн олон мянган цагаач Польш улсаар дамжин Европын холбоо руу нэвтрэхээр хөрш Беларусийн хил дээр бөөгнөөрөөд байгаа юм. Гэвч Польш улс хууль бус цагаачдыг нэвтрүүлэхээс татгалзан, хилийн хамгаалалтаа чангатгаснаар тэдгээр хүмүүс өвлийн хүйтэнд майханд хоноглож байна.
Беларусь улсаас Польш руу нэвтрэх оролдлого өнгөрсөн онд дөнгөж 88 байсан бол 2021 он гарсаар 5000 гаруй болж нэмэгджээ.