Ѳчигдѳр болсон МАН-ын Бага хурлаас хойш тус намд нэлээд бужигнаан үүсээд байна. Шалтгаан нь Ерѳнхий сайд, МАН-ын дарга У.Хүрэлсүх УИХ-ын дарга М.Энхболд хоёр “эвлэлдсэн”-тэй холбоотой бололтой. Тус Бага хурлын дараа УИХ-ын 30 гишүүн Ээлжит бус чуулганыг зарлуулах шаардлагад гарын үсэг зурсан гэсэн мэдээлэл хэвлэлүүдээр явж байна.
Үүнээс гадна, ѳчигдѳр орой Ерѳнхий сайд, МАН-ын дарга У.Хүрэлсүх намынхаа Бага хуралд зориулж Их тэнгэрт хүлээн авалт зохион байгуулжээ. Тэр үеэр УИХ-ын гишүүн, Хууль зүй дотоод хэргийн сайд Ц.Нямдорж нэр бүхий гишүүдтэй ярилцаж, “Хүрэлсүхийн Засгийн газраас гарна” гэж хэлсэн байна.
Тэрбээр намрын чуулганаас ѳмнѳ шийдвэрээ гаргах бололтой. Учир нь эрхэм сайд Ерѳнхий сайдынхаа хийж буй алхамд сэтгэл дундуур байгаа бѳгѳѳд “Хүрэлсүхээс юм хүлээх хэрэггүй боллоо. Энэ янзаараа Эрдэнэтийн 49 хувийг ч тавиад туучих бололтой” гэх зэргээр ярьсан байна.