“The Voice of Mongolia” шоу нь Монголын дуу хоолойг дэлхийд гаргах зорилготой. Тус шоу хагас жил шахам телевизийн өмнө үзэгчдийг уяж чадсан билээ. Хагас шигшээ шатнаас ялагчийн төлөө дөрвөн шүүгчийн багаас тус бүр нэг оролцогч тунаж үлдсэн. Тодруулбал, шүүгч Д.Отгонбаярын багаас мэргэжлийн дуучин гэх тодотголтой оролцогч А.Болормаа, С.Ононбатын багаас шат бүрт өсч яваа Б.Өсөхбаяр,Төрийн соёрхолт Л.Болдын багаас Ж.Ариунжаргал, дуучин Д.Уламбаярын багаас Ц.Энгүүн нар шалгарсан юм.
Авъяаслаг олон оролцогч нарыг шат, шатанд ялж, Ц.Энгүүн хамгийн олон саналаар шоуны цорын ганц ялагчаар тодорлоо. Тэрбээр “Universal Music” компанийн Монгол дахь албан ёсны төлөөлөгч “Монгол Контент” ХХК-тай 100 сая төгрөгийн хамтран ажиллах гэрээ байгуулж, “Nissan Qashqai” загварын автомашины эзэн болж байна.