Монгол Улсын Ерөнхийлөгч Ц.Элбэгдорж ОХУ-д ажлын айлчлал хийж байгаа билээ. Тэрбээр ОХУ-ын Ерөнхийлөгч В.Путиний урилгаар тус улсад айлчилж буй юм. Мөн агуу их ялалтын 70 жилийн ойд уригдсан билээ.
Өчигдөр Ерөнхийлөгч Москва хотноо байрлах Ёслолын дэнж буюу “Поклонная гора” цогцолборын Аугаа их орны дайны ялалтын төв музейн “Алдарын танхим”-д цэцэг өргөж хүндэтгэл үзүүлсэн. Тэгвэл өнөөдөр Ерөнхийлөгч ОХУ-ын төрийн тэргүүн В.Путинтай уулзалт хийх юм байна. Түүнчлэн ОХУ-ын Байгалийн нөөц, экологийн сайд С.Е.Донской болон Евразийн Эдийн засгийн комиссын Сайд нарын зөвлөлийн дарга В.Б.Христенко нар манай Ерөнхийлөгчид бараалхах аж.