Дүүргийн Эрүүгийн хэргийн II шүүхэд “Шинэ үе” продакшны жүжигчин Ц.Алдармаа, Д.Оюунтуул нарт холбогдох хэргийн шүүх хурал болж, Ц.Алдармаад долоон жил 10 хоног хорих ял, Д.Оюунтуулд хөдөлмөрийн хөлсний доод хэмжээг 10 дахин нэмэгдүүлсэнтэй тэнцэх мөнгөн торгууль оноосон.
Жүжигчин Ц.Алдармаа анхан шатны шүүхийн шийдвэрийг эсэргүүцэн давж заалдах шатны шүүхэд хандаад байгаа аж. Нийслэлийн давж заалдах шатны шүүх тун удахгүй жүжигчин бүсгүйчүүдэд холбогдох хэргийг хянан хэлэлцэх юм. Ц.Алдармаа өмгөөлөгчдөө хэлэхдээ “Нэг хүн хэргийг минь аргална гээд 10 сая төгрөг авсан.
Тэгээд зүгээр л ёс болгоод шүүх хуралд орчих гэсэн юм. Би ч тэр хүнийг аргалчих байх гээд тоохгүй яваад орсон. Шүүх хурал удаан үргэлжилсний эцэст Ц.Алдармаад долоон жилийн хорих ял оноолоо гэсэн. Би сонсоод хамаг бие салгалаад цочролд орсон. Үнэндээ яахаа мэддэггүй юм билээ” гэжээ.