Замын хөдөлгөөний дүрэм зөрчсөн нь хяналтын камераар баталгаажсан болон хөдөлгөөн зохицуулагч нарт бэлэн бусаар торгуулсан жолооч нараас 6 сая орчим төгрөгийг төсөвт төвлөрүүлдэг болжээ. Гэсэн хэдий ч зөрчил гаргаад бэлэн бус торгуулийн хуудас авсан хэрнээ 14 хоногийн хугацаа нь хэтэрсэн 500 орчим иргэн өдөртөө Авто тээврийн үндэсний төвөөс үйлчилгээ авахаар ханддаг байна. Тодруулбал, дээрх зөрчил гаргасан жолооч нар шилжилт хөдөлгөөн хийлгэх авто машин эзэмшигчийн нэрийг өөрчлөх зэрэг байдлаар ханддаг гэнэ.
Тиймээс энэ мэт хугацаанд нь торгуулиа төлөөгүй иргэдэд хүлээлгэх хариуцлага өндөржиж байгаа аж. Торгуулиа хугацаанд нь буюу 14 хоногт төлөөгүй бол тухайн жолооч 30-50 мянган төгрөг нэмж төлөх юм байна.
Замын хөдөлгөөний удирдлагын төвөөс хоногтоо 700 орчим тээврийн хэрэгсэл эзэмшигчдэд гаргасан зөрчилд торгуулийн мэдэгдэх хуудас илгээж байгаагийн 20 гаруй хувь нь үзлэг оношилгоонд хамрагдах хугацаа нь хэтэрсэн байдаг гэнэ.
Сүүлийн үед нийслэлийн замын цадаагийн газарт бэлэн бус торгуультай холбоотой өргөдөл гомдол их ирэх болсон гэж байна. Өөрөөр хэлбэл торгуулиа төлж барагдуулахгүйгээр машин тэргээ бусдад зарж борлуулах зэрэг гомдлууд тасрахгүй байгааг албаныхан онцоллоо.
Энэ мэт зөрчилтэй жолооч нар хуулийн хугацаанд зөрчлөө арилгаагүй тохиолдолд хүлээх хариуцлага чангарч байгааг холбогдох албаныхан онцлоод хэрэв зөрчилтэй бол зөрчлөө арилгах боломжтойг сануулж байлаа.