Сүүлийн үед автобусны жолооч нар эгнээ байраа эзлэхгүй дүрэм зөрчсөнөөс осол ихээр гарах болсон байна.
Тэгвэл өчигдөр 17.00 цагийн үед ХААИС-ийн зүүн талын зам дээр автобус урсгал сөрж мотоциклтой зорчигчийг дайрах шахсан осол гаргасан байна.
Мөн өнөөдөр өглөө Энхтайваны гүүрээр зорчиж байсан автобусны жолооч дүрэм зөрчиж, замын хажуугийн гэрэлтүүлэгний шонг дайрч, хайс даваад зогсчээ. Ингэхдээ хажуугаар нь явсан зорчигчийг бэртээх шахсан байна. Энэ үеэр хүн бэртэж гэмтсэн эсэх нь хараахан тодорхойгүй байгаа юм.
Олон хүний амь насыг хариуцаж яваа нийтийн тээврийн жолооч нарт нийслэлийн ЗДТГ болон автотээврийн байгууллагууд хяналт тавьж, хариуцлагыг өндөржүүлэх хэрэгтэй болжээ.