“Tokyo Grand Slam 2017” тэмцээн эхэллээ. 61 орны 417 жүдоч /эрэгтэй 243, эмэгтэй 174/ оролцоно.
Манай улсаас 16 жүдоч барилдах бөгөөд дэлхийн аварга, Гавьяат тамирчин Г.Болдбаатар, М.Уранцэцэг нарын шилдгүүд оролцож байгаа.
Өнөөдөр эрэгтэйчүүдийн 60 кг, 66 кг, 73 кг, эмэгтэйчүүдийн 48 кг, 52 кг, 57 кг, 63 кг-ын жингийн барилдаан болж аваргууд тодорно.
Манай улсаас 60 кг-д Г.Болдбаатар, Б.Амартүвшин, 66 кг-д Д.Төмөрхүлэг, Д.Алтансүх, 73 кг-д Г.Одбаяр, С.Баяртүвшин, эмэгтэйчүүдийн 48 кг-д М.Уранцэцэг, Б.Хорлоо, 52 кг-д Ч.Аззаяа, 57 кг-д Л.Энхрийлэн, 63 кг-д Б.Мөнгөнчимэг нар барилдана.
Хэсгийн барилдаан 09.00 цагт эхэлсэн бөгөөд медалийн барилдаан 16.00 цагаас эхэлнэ.