“КОВИД-19”-ийн халдварын улмаас олимпийн галт бамбарын буухиаг Токио хотын гудамжинд зохион байгуулахыг цуцалжээ. Харин Токио хотоос өмнөд зүгт байрладаг Огасавара мужид бамбарын буухиаг төлөвлөснөөр явуулна гэдгийг албан тушаалтан мэдээлсэн байна. Мөн Кёото, Хирошима хотууд нийтийн гудамжинд буухиа хийх төлөвлөгөөгөө цуцалжээ
Ирэх баасан гаригаас (2021.07.09) эхлэн буухианы оронд галт бамбар асааж онлайнаар шууд дамжуулах аж. Токиогийн 2020 оны зуны олимп энэ сарын 23-ны өдөр эхлэх товтой байгаа. Гэвч сүүлийн саруудад коронавирусийн халдвараас болж зуны олимпийг хойшлуулах, цуцлах хэрэгтэй гэж үзсэн Япончууд гудамж, талбайд жагсаал хийх болсон.
Олимпийн галт бамбарын буухиа өнгөрсөн гуравдугаар сард эхэлсэн боловч олон тооны асуудалтай тулгарсан байна. Тухайлбал 53 настай эмэгтэй олимпийн бамбарыг усан буугаар унтраах гэж оролдсон аж. Интернет дээр нийтлэгдсэн бичлэг дээр тэрбээр “Олимпийн наадмыг зогсоо” хэмээн орилж байгаа нь бичигджээ.