Сүхбаатар дүүргийн II дугаар хороо, орон сууцны 24 дүгээр байрны баруун урд талд байрлах хүүхдийн тоглоомын талбайн газар дээр тус дүүргийн II хорооны цогцолбор барилга барихаар 2014 онд газар олгож, сарын өмнөөс барилгын ажлыг эхлүүлээд байсан. Тэгвэл уг газрын зөвшөөрлийг нийслэлийн Засаг даргын 2017 оны зургадугаар сарын 16 өдрийн А/448 захирамжаар хүчингүй болгож, Нийслэлийн Засаг даргын тамгын газраас тус газрыг нөхөн сэргээх ажлыг хийж байна гэж Нийслэлийн Газрын албанаас мэдээллээ.