Үндэсний шилдэг дуучин шалгаруулах “Монгол HD” телевизийн “The Voice of Mongolia-2” нэвтрүүлгийн оролцогч Х.Ядам санал хураалтад оролцсон үзэгчдийн 58 хувийн саналыг авч ялагч боллоо.
Нэвтрүүлгийн төгсгөлийн шатанд Х.Ядам, Г.Эрмүүн, Э.Дашням, Б.Оюу нар шалгараад байсан. Эдгээр оролцогчид өчигдөр үзүүлбэрээ толилуулсны дараа үзэгчдээс санал авахад Б.Оюу, Х.Ядам нар шалгараад байв. Үүний дараа дахин санал хураах шугамыг нээхэд Х.Ядам үзэгчдийн саналаар тэргүүлж үндэсний шилдэг дуучнаар тодров.
Ялагч Х.Ядамд нэвтрүүлгийн багтай уран бүтээл туурвих гэрээ байгуулах эрхээс гадна Renault Kaptur загварын автомашин бэлэглэх аж.