Японы мэргэжлийн сумогийн дээд зиндаанд анх удаа түрүүлж озэки цолны болзол хангасан Тэрүнофүжи Ган-Эрдэнийн аав Д.Гантулгын сонирхолтой ярилцлага “Өдрийн сонин”-д хэвлэгдэж байна.
Өмнө нь манай сонины сэтгүүлч тэдний гэрээс сурвалжлага бэлтгэн хүргэж байсан бол энэ удаа түүний хүү мэргэжлийн сумод анх удаа түрүүлснийх нь дараа уншигч тантай дахин золгуулж байгаа юм. Сонирхуулахад, Ган-Эрдэнийн аав Д.Гантулга “Хоёр аваргыг барилдах үед нэг их зүйл бодогдоогүй. Хэн хүчтэй нь давах биз дээ гэж бодоод сууж байлаа. Харин Харүмафүжи аваргыг давсан хойно сандраад эхэлсэн. Яадаг бол гээд тэрүүхэн хоромд үнэхээр их зүйл бодогддог юм билээ. Би ч яахав гүрийж байгаад барилдааныг нь үзчихсэн. Давахад нь хэр барагтайд гаргадаг нулимсаа асгарууллаа. Ээж нь хөөрхий гадаа сүүгээ өргөөд залбирч байсан” хүүгийнхээ барилдааныг үзэх үеийн сэтгэл догдлол, баяраа хуваалцсан юм. Түүний ярилцлагыг “Өдрийн сонин”-ы маргаашийн дугаараас хүлээн авч уншаарай.
Эрхэм уншигч та, манай сонины шинэ дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.