Баасан гаргийн орой Франц-Германы
хөлбөмбөгийн шигшээ багуудын нөхөрсөг тоглолт зохиогдож байсан Стад де Франс
цэнгэлдэх хүрээлэнгийн гадна гурван ч удаа дэлбэрэлт болсон. Тэгвэл эдгээр амиа
золиослогчдын нэг нь лав цэнгэлдэх хүрээлэнд орохыг завдсан нь батлагдажээ.
Захирь хэмээх тасалбар шалгагчийн ярьснаар бол тэмцээн эхлээд 15 минут
өнгөрсний дараа амиа золиослогч жинхэнэ тасалбар үзүүлэн цэнгэлдэх рүү орохыг
завдсан ч метал илрүүлэгчээр биен дэх бөмбөг нь илэрсэн байна. Тэрээр хамгаалагчдаас зугтаж явах үедээ бөмбөгийг тэсэлсэн гэж Захирь
хэвлэлийнхэнд хэлжээ. Цэнгэлдэхэд нийтдээ 80 мянган үзэгч хөлбөмбөг үзэж байсан
бөгөөд тэд алан хядах үйл ажиллагаа стадионы гадна болж байна гэдгийг зөвхөн
хоёрдугаар үеийн төгсгөлд л мэдэж эхэлсэн аж.