Тэр анх 2016 онд 36-тай УИХ-ын гишүүн болсон. Төрсөн нутгаасаа сонгогдсон.
Түүнээс өмнө Олон улсын байгууллага, төрийн захиргааны байгууллага, МАН-д Хэлтсийн дарга, НАМЗХ-ны ерөнхийлөгч, МАН-ын генсекээр ажиллаж байв. Монголдоо, бас баруунд боловсрол эзэмшсэн.
Одоо бүрэн эрх нь дуусгавар болж байгаа УИХ дахь МАН-ын 65-ын нэг. Үнэндээ 2016-2020 оны УИХ-ыг дан нэг намынбайж чадаагүй. Тийм байлгаагүй хүмүүсийн нэг нь тэр байв.
Магадгүй, өнгөрсөн дөрвөн жилийн улс төрийн үйл амьдралын хамаг бужигнааны гол дүр нь тэр байх…
95 жилийн түүхтэй, 1990-ээд оноос хойш ч сахилгатай, замбараатай, нэг гарт зангидагддаг намыг “бусниулсан” этгээд бол тэр.
Намын даргаа шүүмжилж, “найз нөхөд”-ийг нь гоочилж, Монголын улс төр, бизнесийн салбарт баттай оршоод байсан тэднийг буулгасан. Намынхаа бүрдүүлсэн засаглалыг “нурааж”, дахин бүрдүүлэхэд тэр голлож оролцсон.
Тэр ингэхийн тулд ганцаараа зүтгэж, цөөхүүлээ тэмцэж, олуулаа жагссан байдаг юм.
Авчихаад байсан орд газрыг улсад буцааж, олон эргэлзээтэй “хувьчлал”, хөрөнгө хуваарилалтыг төрийн мэдэлд эргүүлсэн. “Эрдэнэт”-ийн 49 хувь, 30-аад лицензтэй “Монголросцветмет”-ийн 49 хувийг “нийгэмчлэх”-д үүрэг гүйтцэтгэсэн хүн бол тэр.
Өөр олон юм бий. “Тогтолцоо болохгүй байна” гэж их хашгирсан.
Бүрэн эрхийн хугацааны дундахнуур шинээр бүрдсэн Засгийн газарт сүүлхэнд нь орж ажилласан. Засгийн газрын “гал тогоо”-г барьж Үндсэн хуулийн өөрчлөлтөд, “Алсын хараа-2050” улсын урт хугацааны хөгжлийн хөгжил боловсруулахад бас л голлосон байдаг.
Ерөөс түүний хувьд 2016-2020 оныг хоёр хуваах хэрэгтэй. Эхнийх нь дээр хэлсэн дээ, жагссан, тэмцсэн. Унагасан, авсан.
Үнэнийг хэлэхэд тэр үед түүн шиг тэгж тэнэгтэх улстөрч тун цөөхөн л байв.
Учир нь тэр үед тэнэг хүний хийхалхам үйлдлийг тэр хийж байсан. Ердөө л нэг гөжүүд, зөрүүд залуу…
Тэр юу билээ, нөгөөдүүл нь хэн билээ?!
Дүнд хүрсэн. Гэхдээ түүнд одоо түмэн дайсан бий. Алдаа гаргаж, хазгай гишгэвэл “Хапп…” гээд л аваад хаячих анаа занаа отож буй. Үүнтэй маргах хэрэггүй.
Тиймээс одоогоор түүнийг муулдаг, гоочилдог, гүтгэдэг явдал байж л байдаг. Гэхдээ галт тэрэг хөдөлсөн. Тэр нэгэнт хийсэн. Дайсантай ч болсон. Бас нөхөдтэй, дэмжигчтэй болсон.
Сая болж өнгөрсөн сонгуулиар сонгогчдын итгэл хүлээлгэсэн хувиараа тэргүүлсэнЕрөнхий сайд, МАН-ын даргын дараах нь тэр болжээ.
Дахиад хий, цаашаа яв л гэсэн үг.
Хоёр дахиа УИХ-ын гишүүн боллоо. Бас л төрсөн нутгаасаа сонгогдлоо. Эхлүүлсэн ажлаа л гүйцээх хэрэгтэй.
Хамгийн бүтэшгүй гэж өнгөрсөн жилжин муулуулсан “Алсын хараа-2050”-аа хэрэгжүүлэх боломжийг түүнд олгож байгаа юм.
Энэ зүгээр л олны итгэл. Даах л хэрэгтэй.
Өнөөдөр 6 сарын 29. Тэр 40 хүрчээ…