Өнөөдөр буюу хоёрдугаар сарын 17-ны өдөр ТЕГ-аас иргэн Ч.Мөнхбаярыг саатуулах ажиллагаа явуулж, баривчилсан байна. Тодруулбал, 15.30 цагийн орчимд Сүхбаатар дүүрэгт байршилтай буюу Энхтайваны гүүрний дэргэдэх “Наран” плазагийн ойролцоо саатуулах ажиллагаа явуулжээ. Үйл явдлыг тухайн газар байсан иргэн харж, баримтжуулсан бөгөөд тус мэдээллийг эх сурвалжаа болгов.
Одоогийн байдлаар ТЕГ-аас Ч.Мөнхбаярыг ямар шалтгааны улмаас баривчилсан болохыг албан ёсоор мэдэгдээгүй байна. Тэрбээр үндсэрхэг үзлээр нийгмийн идэвхт үйл ажиллагаа явуулдаг, өвөр монгол иргэдийн төлөө дуугардаг нэгэн билээ.