Өмнөговь аймгийн Булган суманд ирэх гуравдугаар сарын 6,7-ны өдрүүдэд “Тэмээний баяр-2015” наадам болох гэж байна. “Түмэн тэмээ” тэмээ аяллын холбоо уг наадмыг 1997 оноос хойш тэмдэглэсээр ирсэн юм. Тэмээний баярын үеэр тэмээтэй парад жагсаал, тэмээтэй сайхан хос, тэмээтэй буухиа зэрэг уралдаан тэмцээн, үйл ажиллагаа болох гэнэ. Үүнээс гадна орон нутгийн иргэдийн гар урлалын зүйл, сүү цагаан идээний үзэсгэлэн худалдаа болох аж.