Төр, нийгмийн зүтгэлтэн С.Зоригийг хөнөөсөн гэх үндэслэлээр ял сонссон этгээдүүдэд эрүү шүүлт тулгасан гэх үндэслэлээр ТЕГ, ШШГЕГ-ын нэр бүхий ажилтнуудыг саатуулсан. ТЕГ-ын дарга Б.Хурцыг “Гүйцэтгэх ажиллагааны хууль журам зөрчсөн” гэх үндэслэлээр 15 хоног саатуулах шүүхийн шийдвэр гарсан.
Тэгвэл баасан гарагт дахин нэгэн баривчилгаа болж, ТЕГ-ын ажилтан Б-г хууль хяналтынхан саатуулсан аж. “Хэрэгтнүүдийг эрүүдэн шүүсэн” гэх хэргийг АТГ шалгаж байсан бол энэ сарын 19-нд ЦЕГ-ын Мөрдөн байцаах албаны тусгай субьектийн хэлтэст шилжүүлжээ.