Сэлэнгэ аймгийн Сүхбаатар, Алтанбулаг сумын тээвэрчдээс ирэх намрын ургац хураалтын тээврийн ажилд саадгүй оролцох боломж олгох асуудлаар хүсэлт илгээжээ.
Дээрх хоёр сумын тээвэрчид эл хүсэлтээ Сүхбаатар сумын ИТХ-д хүргүүлсэн байна. Хүсэлтийн гол санаа нь “Алтан Тариа” ХХК-ийн Сүхбаатар сум дахь салбартай хамтран намрын ургацын тээвэрлэлтийг нэгдсэн зохион байгуулалт дор гүйцэтгэж өгнө үү хэмээсэн байна. Энэхүү хүсэлтийн дагуу сумынхаа иргэдийн амьжиргаа, орлогыг нэмэгдүүлэх зорилгоор энэ сарын 25-ны өдөр Сүхбаатар сумын ИТХ-ын дарга, ИТХ-ын дэргэдэх Нийгмийн бодлого, хөгжлийн бодлогын хорооны дарга Ө.Золбаяр, төлөөлөгч П.Баттөр, Нарийн бичгийн дарга Т.Пүрэвсүрэн, “Алтан Тариа” ХХК-ийн менежер А.Баясгалан болон тээвэрчдийн төлөөллийг хүлээн авч уулзсан байна. Уулзалтын хүрээнд тээвэрчдийн хүсэлтийг хүлээн авч, намрын ургац хураалтын тээврийн ажилд саадгүй оролцох боломжоор бүрэн хангаж өгөхөөр шийдвэрлэжээ.