Хөвсгөл аймгийн Түнэл сумын тавдугаар багийн малчин Ж.Болд-Эрдэнийн хар халзан хонь 5 ихэр хурга гаргаж малчин эзнээ баярлуулсан байна.
Хар халзан хонь өнгөрсөн жил хоёр ихэр хурга гаргаж байжээ. Таван ихэр хурга эсэн мэнд бойжиж байна. Гурван хургыг нь өөр мал хөхүүлж байгаа гэнэ. Ж.Болд-Эрдэнэ бага наснаасаа мал маллаж эхэлжээ. Тэрээр ам бүл тавуулаа амины 200 гаруй толгой малтай бөгөөд энэ жилийн хувьд мал нь ихэрлэж байгаад бэлэгшээж байгаа гэнэ. Тухайлбал нэг хонь таван ихэр, хоёр хонь гурав болон хоёр ихэр хурга гаргаж гурван хонь төллөөд 10 хургатай болсон ажээ.