АНУ-ын ерөнхийлөгч Д.Трамп аравдугаар сарын 1-нээс Хятадын бараа бүтээгдэхүүнд ногдуулахаар төлөвлөж байсан нэмэлт татварын хугацааг хоёр долоо хоногоор хойшлуулжээ. Тодруулбал, Хятадын 250 ам.долларын тэрбум ам.долларын бараа бүтээгдэхүүнд 30 хувийн татвар ногдуулах байсан юм. Өнгөрсөн сард татварын хэмжээг 25-аас 30 хувь болгон өсгөх шийдвэр гаргасныг АНУ-ын төрийн тэргүүн зарлаж байсан удаатай. Саяхан Хятадын засаг захиргаа АНУ-ын 16 нэр төрлийн бүтээгдэхүүнд ногдуулсан импортын татварыг жилийн дотор тэглэх болсноо зарлажээ. Хоёр талын төлөөлөгчид ирэх сарын эхээр хэлэлцээний ширээнд суухаар бэлтгэж байгаа юм.
Сануулахад АНУ, БНХАУ-ын хоорондох худалдааны дайныг шийдвэрлэхээр талууд ажлын хэсгийн түвшинд хэлэлцээ хийж байгаа ч хараахан үр дүнд хүрээгүй байгаа юм.
Д.ЦЭРЭНДОЛГОР