Гурван хүний порцонд дараах зүйлс орно.
ОРЦ:
200-250 грамм орчим мах. Хэмжээг өөрсдөө тааруулаад хийж болно. Хонь, үхэр аль нь ч болно.
лууван-нэг ширхэг
төмс-нэг ширхэг
сонгино-нэг ширхэг
сармис-гурван хумс
өндөг-гурван ширхэг
ногоон сонгино-бага зэрэг
давс
Хүссэн бүх ногоо болон амтлагчуудаа хийж болно.
ус-100 орчим грамм (харж байгаад тааруулна)
гурил-1-1.5 аяга
ХИЙХ АРГА:
1. Махаа хэрчиж, гурван аягандаа тэнцүү хуваан хийнэ.
2. Төмс, луувангаа үрэгчээр үрж, мөн гурав хувааж хийнэ.
3. Сонгино, сармисаа жижиг жижиг хэрчин, мөн гурав хувааж аягандаа хийнэ.
4. Бусад хүссэн ногоогоо мөн жижиг хэрчин хийнэ.
5. Ингээд давсаа хийж мах ногоотойгоо холино.
6. Усаа тааруулж хийнэ. Хэтэрхий дүүргэж болохгүй.
7. Үүн дээрээ өндгөө нэмнэ.
8. Гурилаа зуурч аягаа бүтээхүйц хэмжээтэй элдэнэ. Гурил нь бага зэрэг зузаан байсан ч болно.
9. Ингээд аягатай шанзан дээрээ гурилаа бүтээж, амсруудыг нь сайтар аягандаа наалдуулж өгнө.
10. Ингээд жигнүүр дээрээ тавиад 25-30 минут жигнэнэ.
11. Гаргаад идэхдээ гурилан дээрээ бага зэрэг цөцгий, эсвэл майонез түрхээд идвэл илүү амттай байх болно.
Үхрийн хэлэн салат
Орц:
Үхрийн хэл – 200гр
Сонгино – 1/2
Мөөгтэй лечо – 100гр
Хийх арга:
Үхрийн хэлээ чанаж болгосон байна. Дараа нь сонгинотойгоо хамт шараад бага зэрэг хөргөнө. Хөргөсөн хэлэндээ лечогоо хийж хутгаад л зууш маань бэлэн болно.
Мөн өөрийнхөөрөө янз бүрийн ногоогоор хачирлаж болно. Бүхэл үрийн талхтай хольж идвэл илүү тохимжтой