Дотоодод бараа, үйлчилгээний үнэ 2021 оны сүүлээс эрчимтэй өсөж, өнгөрөгч сарын байдлаар улсын хэмжээнд 14.4 хувьд хүрсэн. Үүний 8.1 нэгж хувь нь импортын барааны өсөлт байгаа юм.
Инфляц харьцангуй өндөр түвшинд байгаа ч Монголбанкнаас өсөлтийн хурдац тогтворжиж байгааг онцолж буй. Инфляц 2022 оны нэгдүгээр сард 14.6 хувь буюу оргил түвшиндээ хүрснээс хойш бага зэрэг буурч, сүүлийн хоёр сард 14.4 хувьд хэвээр хадгалагджээ.