НҮБ-аас гаргасан “Дэлхийн эдийн засгийн байдал ба хэтийн төлөв” тайланд дурдсанаар өнгөрсөн онд коронавируст цар тахлын улмаас дэлхийн эдийн засаг 4.3 хувиар буурчээ. Энэ нь 2009 онд нүүрлэсэн санхүүгийн хямралтай харьцуулахад 2.5 дахин илүү аж. НҮБ-ын ерөнхий нарийн бичгийн дарга А.Гүттэриш мэдэгдэхдээ “Цар тахлын улмаас сүүлийн 100 жилд тохиож байгаагүй ноцтой эдийн засгийн хямрал нүүрлээд байна. Коронавирусийн халдвар авсан хоёр сая гаруй хүн нас барсан” гэв. Гэсэн хэдий ч энэ жил дэлхий нийт цар тахлаас үүдэлтэй эмзэг байдлаас тогтвортой байдалд шилжих онцгой боломж байгаа гэдэгт итгэлтэй. Тогтвортой хөгжлийн зорилгод хүрэх нь бидний нэгэн зүг чиг байх ёстой” хэмээн онцолсон байна. Мөн тэрээр ийн мэдэгдэхдээ Нийгмийн шинэ гэрээ, Олон улсын шинэ гэрээ байгуулах санаачилга дэвшүүлснээ сануулав. Эдгээр гэрээ нь нийтийн эрх, эрх чөлөөг хангах замаар бүх хүнд тэгш боломжийг олгох зорилготой аж.
Д.ЦЭРЭНДОЛГОР