Өмнөд Солонгосын нийслэл Сөүл хотын орчимд хоёр өдөр үргэлжилсэн аадар борооны улмаас цахилгаан тасарч, хөрсний гулгалт үүсэн орон сууц, метроны систем усанд автаад байна.Найман хүн нас барж, сураггүй алга болсон зургаан хүнийг эрж хайх ажиллагаа эхэлжээ.
Даваа гарагт Сөүл хотын өмнөд хэсгээр 100 мм бороо орж, хотын зарим хэсэгт бороо цагт 141.5 мм хүрсэн гэж Солонгосын цаг уурын албаны (KMA) мэдээллээ.
Тус улсын мэдээллийн Ёнхап агентлаг байгалийн гамшгийг сүүлийн 80 жилд тохиолдсон хамгийн хүчтэй аадар бороо хэмээн тодотголоо. Солонгосын Ойн алба 46 хот, муж, тэр дундаа Сөүлийн есөн дүүрэгт хөрсний гулгалт үүсэж болзошгүйг анхаарууллаа.
26 сая хүн амтай Сөүл хотод өнөөдөр ч аадар бороо орж, зарим газарт хур тунадас цагт 50-100 мм хүрч болзошгүй байна.