Ковидын улмаас өмнөд Энэтхэгийн Брайвун хийд гомон дацанд суралцаж байсан 220 лам нар эх орондоо эргэж ирсэн. Эдгээр лам нараас одоо 80 лам нь санхүүгийн байдлаас шалтгаалан сургууль руугаа буцаж чадахгүй байна.
Эдгээр хуврагуудад дэмжлэг үзүүлэх зорилгоор МИАТ зүгээс Брайвун хийдийн ойролцоох Гоа хот руу 160 хүний суудалтай онгоц гарган тусгай үүргийн нислэг хийхээр болсон бөгөөд нислэгийн 80 суудал нь дүүрсэн тохиолдолд сургууль руугаа буцаж буй лам нарыг үнэгүй хүргэж өгөхөөр болж маш том хөнгөлөлт үзүүлсэн байна.
Иймд сүсэгтэн олон та бүгдийг Брайвун хийд, далайн эргийн Гоа ресортоор хийх 3 өдрийн аялалд өргөнөөр хамрагдахыг уриалж байна. Энэхүү аялалд явсан хүн бүрийн тоогоор нэг хуварга сургуульдаа буцан номын үйлээ үргэлжлүүлэх боломжтой болох юм.
Нислэг 3-р сарын 16-ны өглөөний 07 цагт эхлэх бөгөөд 11 цаг үргэлжилж тухайн өдөртөө Гоа хотод газардана. 17-ны өглөө Брайвун хийд рүү хөдөлнө. Брайвун хийд дээр ерөөлийн хуралд сууж, эргэл мөргөл хийн, лам нараар газарчлуулан хийд оронтой танилцах боломжтой. 18-ны орой Гоа хотод буцаж ирнэ. 19-ний өдөр далайн эргээр зугаалах боломж гарах бөгөөд буцах нислэг 19-ний шөнө хөдөлж 20-нд Улаанбаатар газардана.
Аяллын зардал нийт 2150 ам.доллар бөгөөд үүнд хоёр талын нислэгийн тийз, буудал, унаа, хийд дээр байрлах үеийн хоолны зардал багтсан болно.
Хэрэв энэхүү аялалд явахыг хүсвэл 88041886 гэсэн дугаарт залган бүртгүүлэх боломжтой.
Нислэгийн хуваарь их тулгуу тавигдсан учраас аялалд явах хүмүүс 3-р сарын 9-нөөс өмнө төлбөрөө төлөн бүртгүүлэх шаардлагатай. Аяллыг зохион байгуулагчдын зүгээс явах хүмүүсийнхээ визийг нэгдсэн журмаар мэдүүлж яаралтай гаргуулж авах юм байна.
