Италид сургуулилт хийж байсан хоёр сөнөөгч онгоц хоорондоо мөргөлдөж осолдсон хэрэг гарчээ. Уг осол Марке мужийн Асколи хэмээх газраас 30 километрийн зайтай болсон бөгөөд осолдсон онгоцууд модтой ууланд унасны улмаас гал гарсан байна.
Онгоцыг жолоодож явсан хоёр нисэгчээс гадна дөрвөн хүн сураггүй болжээ. Орон нутгийн телевизүүдийн мэдээлснээр онгоц санамсаргүй байдлаар мөргөлдөөгүй бололтой.
Онгоцны ослыг гэрчилсэн Фабио Валерий “Онгоцууд осолдохоос хэдэн секундын өмнө ууланд аварга том галт бөмбөлөг харагдсан” гэж ярьжээ. Тосгоны оршин суугчид ч мөн хүчтэй дэлбэрэлтийн чимээ сонссон гэж ярьсан байна.