Яг одоо Монголын бурхан шашны сүм хийдүүдийн тэргүүн лам нарын зөвлөлийн хурал Монголын Бурхан Шашны Төв Гандантэгчэнлин хийдэд болж байна. Энэхүү хурал нь хоёр өдөр үргэлжлэх бөгөөд жил бүрийн хавар намрын улиралд хуралддаг аж. Энэ удаагийн хуралд 21 аймаг, 9 дүүргийн тэргүүн лам нар оролцож байгаа юм.
Сүм хийдийн тэргүүн лам нар тус хуралдаанаар Бурхан шашны чиг хандлага, хүмүүнлэг ардчилсан нийгмийг төлөвшүүлэх, нийгмийн ёс суртахууныг сайжруулахын төлөө хамтран ажиллах үйл ажиллагааны чиглэлээ тодорхойлох аж.
Тус хуралдаан маргааш өглөө 9-өөс 17 цагийн хооронд Монголын Бурхан Шашны Төв Гандантэгчэнлин хийдэд дахин хуралдана.
Б.АМАРТҮВШИН