УИХ дахь АН-ын бүлэг хуралдаж дараа нь бүлгийн дэд дарга С.Одонтуяа, УИХ-ын гишүүн Ш.Түвдэндорж нар мэдээлэл хийлээ. Үндсэн хуулийн өөрчлөлтийн талаар 2000 орчим иргэдээс авсан судалгааны талаар бүлгийн дэд дарга С.Одонтуяа “Судалгаагаар Үндсэн хуулийн зарим зүйлийг өөрчлөхийг судалгаанд оролцсон иргэдийн 72 хувь нь зөв гэж хариулсан. Сумын засаг даргыг иргэдийн дундаас нэр дэвшүүлж сумын нийт иргэдийн саналаар сонгодог болох гэсэн саналыг 91.8 хувь нь дэмжсэн байна. УИХ-ын гишүүдийн 25 хувь нь гарын үсэг зурж Ерөнхий сайдыг огцруулах асуудлыг хэлэлцдэг одоогийн тогтолцоог халж 51 хувь болгон өөрчилж Засгийн газрыг тогтвортой байдлыг хангах гэсэн саналыг 71 хувь нь зөв гэж үзсэн. Мөн 3-4 сайд нь л УИХ-ын гишүүн гишүүн байх, “давхар дээл”-ийг цөөлөх асуудалд 76 хувь зөв гэж үзжээ. Аймгийн төвүүдийг сум биш хот болгож өөрчлөх нь зөв үү гэдэг саналд иргэдийн 67 хувь нь зөв гэж үзсэн байна. УИХ-ын гишүүдийн тоог нэмэгдүүлэх нь зөв үү, буруу юу гэдэгт иргэдийн 79 хувь нь буруу гэж үзсэн байна.” хэмээн мэдээлсэн юм.