Монгол, Японы гадаад харилцаа, аюулгүй байдал, батлан хамгаалахын асуудал эрхэлсэн байгууллагуудын V зөвлөлдөх уулзалт энэ сарын 24-нд Токио хотноо болно.
Зөвлөлдөх уулзалтыг монголын талаас ГХЯ-ны Ази, Номхон далайн орнуудын газрын захирал Э.Сарантогос, японы талаас ГХЯ-ны Ази, Номхон далайн газрын Ерөнхий захирал К.Канасүги нар ахалж, хоёр улсын Үндэсний аюулгүй байдлын зөвлөл, Гадаад харилцааны яам, Батлан хамгаалах яамны холбогдох албан тушаалтнууд оролцоно.
Уулзалтаар Монгол, Японы Стратегийн түншлэлийн харилцааг улс төр, аюулгүй байдал, батлан хамгаалахын салбарт бэхжүүлэх, олон улс, бүс нутгийн зарим асуудлаар мэдээлэл, санал солилцоно.
Хоёр улсын гадаад харилцаа, аюулгүй байдал, батлан хамгаалах асуудал эрхэлсэн байгууллага хоорондын анхдугаар зөвлөлдөх уулзалт (PM-politico-military talks) 2013 оны нэгдүгээр сард Токио, II уулзалтыг 2014 оны 12 дугаар сард Улаанбаатар, III уулзалтыг 2016 оны нэгдүгээр сард Токио, IV уулзалтыг 2017 оны 8 дугаар сард Улаанбаатар хотноо зохион байгуулж байв.