Нийслэлийн мэргэжлийн хяналтын газраас Сонгинохайрхан дүүргийн 32 дугаар хороо ЭМ СИ ПИ ТИ ХХК-ийн шахмал түлшний үйлдвэр, түлш борлуулах цэгүүдэд хяналт шалгалт хийжээ. Тус компанийн үйлдвэрлэсэн шахмал түлшнээс дээж авч Уул уурхай, газрын тосны төв лабораторид шинжилгээнд хамруулахад үртсэн шахмал түлшний үнслэгийн хэмжээ стандартын үзүүлэлтээс 59.6% их, бат бөхийн хэмжээ 0.5% бага гарсан байна.
Түүнчлэн шахмал түлшний савлалт хаяг байхгүй, нүүрсэн шахмал түлшний савлалт хаяг байхгүй зэрэг нь “Сайжруулсан хатуу түлш Техникийн шаардлага MNS5679:2019” стандартыг хангахгүй байгаа учир зөрчлийн хэрэг нээн, зөрчил шалган шийдвэрлэх ажиллагаа явагдаж байна.