Монгол Улсын Ерөнхийлөгчийн сонгууль зургадугаар сарын 26-нд болно. Сонгууль болох өдрөөс 14 хоногийн өмнө сонгогчийн шилжилт хөдөлгөөнийг түр зогсоох хуулийн заалттай. Энэ дагуу сонгогчийн шилжилт хөдөлгөөнийг маргааш /2017.06.12/-наас эхлэн түр зогсоож байна. Гэхдээ зургадугаар сарын 12-ноос өмнө оршин суудаг харьяаллаас өөр хэсэгт санал өгөх хүсэлтээ гаргасан бол шилжүүлэх боломжтой юм.
Өнгөрсөн жил болсон УИХ-ын сонгуулиар “царцааны нүүдэл” буюу сонгогчийн шилжилт хөдөлгөөн их байсан.
Сонгогчийн шилжилт хөдөлгөөн, засаг захиргааны шилжилт хөдөлгөөн хоёр тусдаа ойлголт юм. Сонгогчийн шилжилт хөдөлгөөн нь өөр хэсэгт очиж санал өгөхийг хэлдэг бол засаг захиргааны шилжилт хөдөлгөөн нь оршин суух хаягаа шилжүүлэх тухай юм.