Цаатан түмний ёс заншил, Монгол орны онгон байгаль жилийн дөрвөн улиралтай хослуулан бүтээсэн “UBS” телевизийн бүтээл “Содура” уран сайхны кино ОХУ-д өчигдөрөөс хүрч эхэлсэн байна. “Содура” кино нь ОХУ-ын Иркутск хотын Кино моллд 17 цагаас нээлтээ хийсэн юм.
“Содура” уран сайхны кинонд Ардын жүжигчин П.Цэрэндагва, Д.Мэндбаяр, Соёлын тэргүүний ажилтан, жүжигчин Амбий буюу Ц.Батхуяг нарын тэргүүтэй мэргэжлийн жүжигчид, Соёл урлагийн их сургууль болон Кино урлагийн дээд сургуулийн оюутнууд, Хөвсгөл аймгийн хөгжимт драмын театрын жүжигчид 150 гаруй хүний өргөн бүрэлдэхүүнээр ажиллаж хоёр жил гаруй хугацаанд бүтээсэн билээ.
Г.МӨНХЦАЦРАЛ