Сирийн мөргөлдөөний үеэр өнгөрсөн онд 650 гаруй хүүхдийн амь эрсэдсэн тухай НҮБ-ын хүүхдийн сан /ЮНИСЕФ/-гийн тайланд тэмдэглэсэн байна. Шаардлагатай эм бэлдмэл, эмнэлгийн тусламж авч чадаагүйгээс өөр хэдэн зуун хүүхэд өвчний улмаас нас баржээ. Тус улсад зэвсэгт мөргөлдөөн эхэлснээс хойш зургаан жил болох гэж буйтай холбогдуулан уг тайланг илтгэсэн байна.
Өнгөрсөн долоон хоногт олон улсын буяны “Save the children” байгууллагын мэдэгдсэнээр, Сирийн хүүхдүүд “хортой” стресст орж, насанд хүрсэн хойноо сэтгэл мэдрэлийн зэрэг эрүүл мэндийн ноцтой асуудалтай болох эрсдэл өндөр байгаа гэнэ. ЮНИСЕФ-ийн мэдээлснээр, өнгөрсөн онд 851 хүүхэд зэвсэгт бүлэглэлийн байлдааны ажиллагаанд орохоос аргагүй болсон нь жилийн өмнөхөөс хоёр дахин их үзүүлэлт аж.
О.ӨНӨР