БНХАУ-ын Синофарм үйлдвэрээс худалдан авч буй 900 мянган тун Vero Cell вакцины 3 дахь татан авалтын 300 мянган тун өнөөдөр 14:41 цагт Буянт-Ухаа ОУНБ-д газарджээ.
Сангийн сайд Б.Жавхлан “Ковид-19″ цар тахлын эсрэг вакцин худалдан авах, хадгалах хүйтэн хэлхээний тоног төхөөрөмжийг шинэчлэх, улсын хэмжээнд дархлаажуулалт хийх эмч, эмнэлгийн мэргэжилтнүүдийн чадавхыг бэхжүүлэх зэрэг үйл ажиллагаанд шаардагдах санхүүжилтэнд улсын төсвөөс болон хөгжлийн түнш улс орнуудын хөнгөлөлттэй зээл тусламжаар эх үүсвэрийг бүрдүүлсэн.
Засгийн газар Ковакс хөтөлбөрийн хүрээнд болон вакцин үйлдвэрлэгчээс шууд худалдан авах замаар вакцин хүлээж авч байгаа бөгөөд дараагийн нийлүүлэгдэх вакцины яриа, хэлцэлүүд үргэжлэн хийгдэж байна. Веросел вакцины 2 дахь тунг 8 долоо хоног буюу 56 хоногийн дотор тариулах шаардлагатай гэж заасан байдаг тул Та бүхэн яарч бөөгнөрөл үүсгэлгүй аймаг, дүүрэг тус зохион байгуулж буй хуваарийн дагуу хамрагдахыг хүсье” гэлээ.