Шүүхийн ерөнхий зөвлөлөөс зохион байгуулдаг “Шүүхийн мэргэшсэн сэтгүүлч” сургалт өнөөдөр эхэллээ. Шүүхийн шинэтгэлийн мэдээллийг хуульч шүүгчдээс илүүтэй сэтгүүлчид ард иргэдэд хамгийн түрүүнд мэдээлэл хүргэх, эрх зүйн боловсролд нь хувь нэмэр оруулдаг билээ. Иймээс уг мэдээллийг хүргэхдээ ямар нэгэн алдаа гаргахгүй, зөв үнэн бодит мэдээллийг хүргэхэд түлхэц болох үүднээс сургалтыг зохион байгуулдаг. Сургалт нь хоёр өдрийн турш үргэлжилдэг бөгөөд шүүхийн салбарын толгой хуульчид мэдээлэл өгдөгөөрөө онцлог билээ. Энэ удаагийн сургалтад телевиз, сонин, радио, мэдээллийн сайт зэрэг 40 орчим хэвлэл мэдээллийн байгууллагын сэтгүүлч нар оролцох юм.
Дөрөв дэх удаагийн сургалтаар:
- Үндсэн хуульд өөрчлөлт оруулах үндэслэл шаардлага,
- Шүүхийн тогтолцоо: Үндсэн хуулийн шүүхийн эзлэх байр суурь, онцлог
- Шүүгчийн хараат бус байдал,
- Эрүүгийн хэрэг хянан шийдвэрлэх ажиллагааны шинэчлэлт,
- Эрүүгийн хуулийн үзэл баримтлал,
- Зөрчлийн тухай хуулийн үндсэн зохицуулалт,
- Эрүүгийн хуулийн хэрэгжилт,
- Гэр бүлийн хүчирхийлэлтэй тэмцэх эрх зүйн зохицуулалт, хэрэгжилт зэрэг сэдвээр Н.Лүндэндорж тэргүүтэй хууль зүйн ухааны доктор, профессорууд, шүүгчид мэдээлэл өгөх аж.
Сургалтын зорилго нь хэвлэлээр дамжуулан иргэдэд мэдээлэл хүргэх, эрхзүйн боловсролд хувь нэмэр оруулах зорилгоор зохион байгуулдаг.
Б.ҮРЖИГ