Жүжигчин Лэндсэй Лоханд Лос Анжелос дахь гэрийнх нь хаягаар гүрвэл явуулсан тухай “www.hollyscoop.com” мэдээллээ. Жүжигчин бүсгүй өчигдөр “New York Times” сонинд ярилцлага өгөх үеэрээ ийнхүү ярьжээ.
Тэрбээр “Өнгөрсөн амралтын өдөр надад сонирхолтой бас аймшигтай нэг шуудан ирсэн. Нью Йорк хотод найзуудынхаа хамтаар амарч байхад нэг алиалагчийн хувцас өмссөн шуудан зөөгч “Лэндсэй Лохан энд амьдардаг бол гараад ир” хэмээн маш чангаар орилсон. Би ч гайхаад хаалга руугаа очтол нэг цаасан хайрцагтай илгээмж өгөөд гүйгээд явчихсан. Би гэртээ ороод шуудангаа харсан чинь улбар шар өнгийн гүрвэл байсан. Ямар их айсан гээч. Хайрцаг дээр “Дурсамжтай өдрийн мэнд хүргье” хэмээн бичсэн харагдсан. Тэр гүрвэл одоо миний өрөөнд байгаа. Миний амьдрал гэнэт л хөгжилтэй болчихлоо” хэмээн ярьжээ.
Лоханд 2009 онд шуудангаар хоёр метрийн урттай могой ирж байсан бол 2010 онд гурван ширхэг хонь ирж байжээ.