Дэлхийн Оюуны өмчийн байгууллага, Солонгосын Оюуны өмчийн байгууллага, Монголын Оюуны өмчийн байгууллагаас хамтран зохион байгуулсан “Инновацийн шийдэл бидний амьдралд-2015” уралдаанд ШУТИС-ийн профессор С.Төгс тэргүүн байр эзэлжээ. Эл уралдаанд нийтдээ 40 гаруй бүтээл өрсөлдсөн байна. Тэрбээр “Мэс заслын зориулалттай шөрмөсөн утас-экологийн бүтээгдэхүүн” бүтээлээр тэргүүн байр эзэлжээ. Ингэхдээ Монгол малын шөрмөсийг ашиглан мэс заслын утас хийсэн байна. Энэ ажил нь одоогоор туршилтын хэмжээнд явж байгаа ч үйлдвэрлэхэд бүрэн бололцоотой гэж үнэлж Дэлхийн Оюуны өмчийн байгууллагын “Алтан медаль”, мөнгөн шагналаар шагнасан аж. Мөн энэхүү уралдаанд ГУУС-ийн дэд профоссор В.Алимаа оролцож шилдэг 10 байранд орсон амжилт үзүүлсэн байна.
