Монгол Улсын төрийн далбааны өдрийг жил бүрийн долдугаар сарын 10-ны өдөр тэмдэглэн өнгөрүүлдэг. Уг өдрийг ес дэх жилдээ тэмдэглэх гэж байгаа ба баярын өдөрт зориулан Зэвсэгт хүчний болон ХХЕГ, ОБЕГ, ШШГЕГ-ын 2000 гаруй албан хаагч ёслолын жагсаалд жагсахаар бэлтгэж байна.
Ёслолын жагсаалд Онцгой байдлын албаны эрэгтэй, эмэгтэй албан хаагчид оролцож байгаа аж. Тус нэгдсэн бэлтгэлийн хүрээнд шөнийн парадыг өнөө өглөө үүрийн 04:00 цагт Чингисийн талбайд хийсэн байна.
Мөн Монгол Улсын Төрийн далбааны өдрийн ёслолын жагсаалын бэлтгэл болох шөнийн парадыг Чингисийн талбайд энэ сарын 08-нд дахин зохион байгуулна гэж Онцгой байдлын ерөнхий газраас мэдэгдсэн байна.
Ц.АНАР