Хөвсгөл аймагт шүлхий өвчнөөр нийт 102382 толгой мал өвчилснөөс 93310 толгой мал эдгэрч шинж тэмдэг нь арилжээ. Өнөөдрийн байдлаар 18 сумын 55 багт 22 голомт идэвхтэй хэвээр байна. Цаашид халдварын тархалтыг нэмэгдүүлэхгүй байх, шинээр голомт үүсгэхгүйн тулд орон нутгийн удирдлагууд, мал эмнэлгийн эмч мэргэжилтнүүд, шат шатандаа урьдчилан сэргийлэх арга хэмжээг авч хэрэгжүүлж буй.
Мөн өвчтэй мал, амьтны хашаа, байр, тоног төхөөрөмжийг халдваргүйжүүлэлгүйгээр ахуйд хэрэглэх, хашаа, байранд мал эмнэлэг, хяналтын ажилтны зөвшөөрөлгүйгээр гаднын хүн оруулахгүй байхыг Хөвсгөл аймгийн мал эмнэлгийн газраас анхаарууллаа.