Жил бүр Улаанбаатар хотын хэмжээнд борооны ус зайлуулах шугам сүлжээний цэвэрлэгээ, засварын ажил хийдэг. Энэ жилийн эхний шатны ажил хийгдэж дуусчээ. Тодруулбал, Хан-Уул дүүргийн Наадамчдын гудамж, Баянмонгол хорооллын нүхэн гарц, Энхтайвны гүүрний нүхэн гарц, Вокзалын арын уулзвар, Богд ар хорооллын шугам, Сонгино-Хайрхан дүүргийн Үйлдвэрчний эвлэл, Драгон орчмын шугам, Чингэлтэйн борооны усны шугам, Долоон буудлын борооны шугам, Жавсранжавын гудамж, Чингисийн өргөн чөлөөний байршилд тус тус хийгдсэн байна.
Долдугаар сарын 1-27-ний хооронд 17 гудамжны, 15 ширхэг шүүрт худагт, есөн үзлэгийн худагт засвар үйлчилгээний ажил хийжээ. Мөн онгорхой, эвдэрсэн 78 шүүр, 57 бетонон таг нөхөж тавьсан ажээ.