Шанхайн хамтын ажиллагааны байгууллагын (ШХАБ) гишүүн орнуудын зэвсэгт хүчнүүдийн цэргийн сургуулилалт энэ сарын 24-29-нд Өвөрмонголд зохион байгуулагдана.
БНХАУ-ын Батлан хамгаалах яамны хэвлэлийн төлөөлөгч Ген Яньшэн өчигдөр мэдэгдэл хийхдээ “Энэ удаагйн “Энх тайвны үүрэг хариуцлага-2014” терроризмийн эсрэг нэгдсэн цэргийн сургуулилалтын бэлтгэл ажил бэлэн боллоо. Сургуулилалтад оролцох улс орнуудын армиуд хуурай зам, төмөр зам, агаарын замаар цугларна” гэжээ.
ШХАБ-ын гишүүн орнуудын батлан хамгаалах яамны 2014-2015 оны хамтын ажиллагааны төлөвлөгөөнд дурдсанаар цэргийн сургуулилалтад Казакстан, БНХАУ, Киргизстан, ОХУ, Тажикстаны зэвсэгт хүчин оролцно.
Тэд алан хядах ажиллагааг урьдчилан таслан зогсоох, террористуудад цохилт өгөх, онц чухал иргэний байгууламжуудыг хамгаалах гэм мэт сургуулилалтуудыг хийх аж.