Монголын Оюутны спортын V наадмын ширээний теннисний тэмцээн 2022 оны дөрөвдүгээр сарын 14-15 нд болж, 21 их, дээд сургуулийн оюутан тамирчид эрэгтэй, эмэгтэй ганцаарчилсан, холимог хосын төрлөөр өрсөлдөн шилдгүүдээ тодрууллаа.
Ширээний теннисний “Оч” төв клубт явагдсан тус тэмцээний эмэгтэй ганцаарчилсан төрөлд ҮБТДС-ийн Б.Должинзуу 1 дүгээр байр, МУИС-ийн М.Ундрам 2 дугаар байр, СЭЗИС-ийн Б.Болор-Эрдэнэ 3 дугаар байр эзэллээ. Харин эрэгтэй ганцаарчилсан төрлийн аваргаар ХУИС-ийн Г.Сэр-Од шалгарсан бол удаах байруудад ШУТИС-ийн М.Тэмүүлэн,ШУТИС-ийн Т.Өсөхбаяр нар шалгарлаа.
Тэмцээний холимог хосын төрлийн аваргаар ҮБТДС-ийн хос Б.Должинзуу, Э.Бат-Эрдэнэ, МУИС-ийн хос Н.Цэрэндорж, М.Ундрам нар 2 дугаар байр, ШУТИС-ийн хос М.Тэмүүлэн, Б.Дуламсүрэн нар 3 дугаар байрт орлоо. Тэмцээнд нийт 21 их, дээд сургуулийн баг тамирчид оролцсоноос байгууллагын дүнгээр тэргүүн байрт М.Амаржаргал дасгалжуулагчтай ШУТИС-ийн баг, 2 дугаар байрт Н.Батсайхан дасгалжуулагчтай ҮБТДС-ийн баг, 3 дугаар байрт Д.Түмэнтөгс дасгалжуулагчтай МУИС-ийн баг тамирчид шалгарч наадмын алт, мөнгө, хүрэл медаль, үнэ бүхий зүйлээр шагнагдсан.
Шилдэг тамирчдын шагналыг Монголын Оюутны Спортын Холбооны удирдах зөвлөлийн гишүүн, Аварга дээд сургуулийн багш Г.Ундрах, Монголын ширээний теннисний холбооны Үндэсний шигшээ багийн дасгалжуулагч Б.Цэрэнтогтох, МШТХ-ны шигшээ багийн дасгалжуулагч Кан нар гардуулав.
