“Шилмэл мал-2022” гойд ашиг шимт малын үзэсгэлэн, үнэ хаялцуулах дуудлага худалдааг цаг үеийн болон малын гоц халдварт өвчний нөхцөл байдлаас шалтгаалан анх удаа цахим хэлбэрээр 2022 оны 10 дугаар сарын 21-ний өдөр зохион байгуулсан. Тус үйл ажиллагаанд 15 аймаг, нийслэлийн 74 иргэн, 17 аж ахуйн нэгжийн 5 төрлийн мал, сарлаг бүхий нийт 128 толгой мал оролцохоор цахимаар оролцов.
Тэгвэл “Шилмэл мал-2022” цахим үзэсгэлэнгийн гойд ашиг шимт малын шалгаруулалтад байр эзэлсэн аймаг, аж ахуйн нэгжүүдэд шагналыг нь гардууллаа.
- Гойд ашиг шимт адуу,
- Гойд ашиг шимт тэмээ,
- Гойд ашиг шимт нутгийн үхэр,
- Гойд ашиг шимт махны үхэр,
- Гойд ашиг шимт сүүний үхэр,
- Хосолмол ашиг шимт үхэр,
- Ууцан сүүлт хонь,
- Бүдүүвтэр ноост хонь,
- Бүдүүн ноост хонь,
- Нарийн, нарийвтар ноост, хурганы арьс, импортын хонь
- Гойд ашиг шимт ямаа
- Гойд ашиг шимт сарлаг зэрэг төрөлд тэргүүн, дэд, тусгай байрыг шалгаруулав.
