Сүхбаатар аймгийн Дарьганга сумаас зүүн хойш 60 км-т орших Шилийн богд ууланд өнгөрсөн Даваа гаригийн 17.20 минутын үед ой хээрийн түймэр гарчээ. Түймэр гарсан газарт ойролцоох жуулчны баазын ажилчид, Шилийн богдын ойролцоох Хилийн цэргийн 0184 дугаар заставын бие бүрэлдэхүүн түймрийг унтрааж цурамд оруулсан байна. Галын улмаас 10 гаруй мянган мод бүрэн шатжээ.
Гал гарахаас өмнөхөн суудлын цагаан өнгийн автомашинтай хоёр эрэгтэй, нэг эмэгтэй уул руу гарсан байна.
Эдгээр иргэд гал алдсныхаа дараа түймрийн голомтоос зугтсан боловч замдаа автомашиных нь дугуй хагарснаар цагдаагийн алба хаагчдад баригджээ.
Түймэрт Шилийн богд уулаас гадна ууланд тарьсан байсан 10 мянга гаруй мод өртөж шатсан. Модны үнэлгээг зах зээлийн ханшаар үнэлбэл гурван тэрбум төгрөгийн үнэтэй байсан аж.