БНХАУ-ын удирдагч Ши Жиньпиний БНАСАУ-д хийж байгаа айлчлал эхэлжээ. Хятадын удирдагч 14 жилийн дараа Умард Солонгост албан ёсоор айлчилж буй нь энэ бөгөөд хоёр орны худалдааны харилцаанд ахиц дэвшил гаргана хэмээн үзэж байгаа аж. Мөн Америк болон Умард Солонгосын цөмийн хэлэлцээрт эерэг нөлөө үзүүлнэ гэж судлаачид үзэж байгаа юм. Америк болон Умард Солонгосын удирдагчид өнгөрөгч II сард дээд хэмжээний уулзалт хийсэн боловч үр дүнгүй өндөрлөсөн билээ. БНАСАУ-ын удирдагч Ким Жон Ун өмнө нь Хятадад дөрвөн ч удаа айлчилсан.