БНХАУ-ын Шаньси мужид байрлах нүүрсний уурхайд өнөөдөр 10.10 цагийн орчимд томоохон осол гарсан талаар “www.szdaily.com” мэдээлжээ. Ослоор 19 уурхайчин амиа алдсан хэмээн аврах албанаас уламжилсан байна.
Осол болох үед уурхайд 129 уурхайчин ажиллаж байсан бөгөөд аврагчид 110 уурхайчинг аварч чаджээ. “10 уурхайчин сураггүй алга болсон. Тэднийг хайх ажиллагааг үргэлжилсээр байна” хэмээн Шаньси мужийн захирагч мэдэгдсэн байна.
Уг уурхай “Shanxi Datong Coal Mine” группийн эзэмшлийнх юм. Цагдаагийнхан осолтой холбогдуулан группийн удирдлагуудыг баривчилсан аж. Мөрдлөгөөр тус групп уурхайчидтай хөдөлмөрийн гэрээ байгуулаагүй болохыг тогтоожээ.