УИХ дахь Ардчилсан намын бүлэг өнөөдөр ээлжит бусаар хуралдаж,
Хууль зүйн байнгын хорооны даргад өөрийнхөө нэрийг дэвшүүлж, Д.Ганбат гишүүнтэй
өрсөлдсөн Ш.Түвдэндорж гишүүнд хариуцлага тооцжээ.
УИХ-ын гишүүн Ш.Түвдэндорж нь УИХ дахь Ардчилсан намын бүлгийн дэд
даргын алба хашдаг байсан ч түүнээс нь чөлөөлсөн байна.
Түүнийг бүлгээс санал болгон дэмжсэн Д.Ганбат гишүүнтэй өрсөлдөж,
бүлгийн шийдвэрээс зөрсөн хэмээн үзэж, дээрх хариуцлагыг тооцсон аж.
УИХ-ын Хууль зүйн байнгын хорооны хуралдаан өчигдөр болж, байнгын
хорооны даргыг чөлөөлөх, томилох асуудлыг хэлэлцэж, УИХ дахь Ардчилсан намын
бүлгээс Д.Ганбат гишүүнийг нэр дэвшүүлж, Ш.Түвдэндорж гишүүн өрсөлдөхөөр болж,
нэр дэвшсэн юм.
Санал хураахад УИХ-ын гишүүн Ш.Түвдэндорж олонхийн дэмжлэг хүлээж,
УИХ-ын Хууль зүйн байнгын хорооны даргад нэр дэвшсэн юм.