Монгол Улсын Ерөнхийлөгч Ц.Элбэгдоржийн урилгаар БНХАУ-ын дарга Си Жиньпин өнгөрсөн онд манай улсад төрийн өндөр дээд хэмжээний айлчлалыг хийсэн билээ. Энэхүү айлчлалын үеэр Си Жиньпин Монголын 250 сэтгүүлчийг өөрийн улсад айлчлуулж, хоёр орны хэвлэл мэдээллийн хэрэгслүүдийн хооронд туршлага солилцуулахаар болсон. Энэ дагуу Монголын 50 сэтгүүлч өнгөрсөн долоо хоногт БНХАУ-ын нийслэл Бээжин, Нанжинь, Жан Бэй зэрэг хотуудад ажлаад иржээ. Тэдний айлчлал Чөлөөлөх дайнд монголчуудын оруулсан хувь нэмрийг олон нийтэд сурталчлахад оршиж байгаа юм. Монголын сэтгүүлчид Монгол-Зөвлөлтийн холбоот цэргийн дурсгалын суваргад цэцэг өргөж хүндэтгэл үзүүлсэн байна. Энэхүү дурсгалт самбар, бунхант цэцэрлэг Хэбэй мужийн Жан Бэй хотын (Бээжингээс 250 километр) Жанчхүүгийн аваанд орших юм. Тус суваргыг Японы эзлэн түргэмийллийн эсрэг дайнд байлдаж яваад амь үрэгдсэн Монгол, Оросын эрэлхэг цэргүүдийн гэгээн дурсгалд зориулж байгуулжээ.